തിരുവനന്തപുരം: ഈ മാസം 30 ന് അടച്ചുപൂട്ടിയ സര്ക്കാര് നിയന്ത്രണത്തിലുള്ള സംസ്ഥാനത്തെ ചില്ലറ മദ്യവില്പ്പന കേന്ദ്രങ്ങള് നിര്ത്തലാക്കി. 39 ലധികം ചില്ലറ മദ്യവില്പ്പന കേന്ദ്രങ്ങളാണ് നിര്ത്തലാക്കിയത്. ബവ്റിജസ് കോര്പറേഷന്റെ 34 വില്പ്പന കേന്ദ്രവും കണ്സ്യൂമര്ഫെഡിന്റെ അഞ്ചു വില്പ്പനശാലകളുമാണു പൂട്ടിയത്. ഇവ പൂര്ണ്ണമായും അടച്ചുപൂട്ടി സര്ക്കാര് ഉത്തരവ് പുറപ്പെടുവിച്ചു.
ഘട്ടം ഘട്ടമായി മദ്യ നിരോധനം ഘട്ടം ഘട്ടമായി നടപ്പാക്കുന്നതിനായി വര്ഷം തോറും പത്തു ശതമാനം സര്ക്കാര് മദ്യവില്പ്പന കേന്ദ്രങ്ങള് അടച്ചു പൂട്ടുമെന്ന് നേരത്തേ പ്രഖ്യാപിച്ചിരുന്നു. ഒക്ടോബര് രണ്ടു മുതലാണ് ഇത് നടപ്പിലാകുന്നത്. പാപ്പനംകോട്, വട്ടപ്പാറ, മാരായമുട്ടം, തേവലക്കര, ഭരണിക്കാവ്, കളര്കോട്, പിച്ചു ഐയ്യര്, വാകത്താനം, കൊല്ലപ്പള്ളി, പുളിക്കല് കവല, പാമ്പനാര്, കഞ്ഞിക്കുഴി, വെള്ളത്തൂവല്, മാങ്കുളം, മുല്ലശേരി കനാല്, പൂത്തോട്ട, അത്താണി, പേട്ട, കുമ്പളങ്ങി, പഴയന്നൂര്, ഗുരുവായൂര്, മുണ്ടുപാലം, പാലക്കാട് ടൗണ്, തൃത്താല, പട്ടാമ്പി, വണ്ടൂര്, പരപ്പനങ്ങാടി, മുക്കം, താമരശേരി , കല്ലായി റോഡ്, ചീപ്പാട്, പടിഞ്ഞാറേത്തറ, ഉളിക്കല്, കളിക്കടവ് എന്നിവയാണ് ചില്ലറ വില്പ്പന കേന്ദ്രങ്ങള്.
പീരുമേട്, കുളത്തൂപ്പുഴ, മേപ്പാടി, കോട്ടയം, മൂവാറ്റുപുഴ എന്നിങ്ങനെ കണ്സ്യൂമര്ഫെഡിന്റെ അഞ്ച് വില്പ്പന കേന്ദ്രങ്ങളും നിര്ത്തലാക്കിയതായിട്ടാണ് വിവരം. ബവ്റിജസ് കോര്പറേഷനു 338 വില്പ്പനശാലകളും കണ്സ്യൂമര്ഫെഡിനു 46 വില്പ്പനശാലകളുമാണുള്ളത്.
