മാലിന്യനിക്ഷേപകരെ പിടികൂടാന് ട്രെയിനുകളിലും പ്ലാറ്റ്ഫോമുകളിലും പ്രത്യേകം ജീവനക്കാരുണ്ടാകും. ഗാന്ധിജയന്തി ദിനത്തില് പാലക്കാട് റെയില്വേ ഡിവിഷനു കീഴില് 6000 ത്തിലധികം ജീവനക്കാര് ശുചിത്വ പരിപാടിയില് പങ്കെടുക്കുമെന്നു ഡി.ആര്.എം. ആനന്ദ് പ്രകാശ് പറഞ്ഞു. എട്ടു ജില്ലകളിലായി 89 സ്റ്റേഷനുകളും ട്രെയിനുകളും ട്രാക്കും മുഴുവന് ഓഫീസുകളും വര്ക്ഷോപ്പും റെയില്വേ കോളനികളും ശുചീകരിക്കും. രാവിലെ ഒമ്പതു മുതല് വൈകിട്ട് അഞ്ചു വരെയാണു ശുചിത്വപരിപാടി.
രണ്ടു മണിക്കൂര് വീതമുള്ള നാലു ഷിഫ്റ്റുകളായി മുഴുവന് റെയില്വേ ജീവനക്കാരുടെയും ശ്രമദാനം ഉറപ്പാക്കും. അന്നേദിവസം ശുചിത്വ പരിപാടിയുടെ ബോധവത്കരണത്തിന്റെ ഭാഗമായി ചെന്നൈ എഗ്മൂര്-മംഗലാപുരം ട്രെയിനിലെ ഒരു കോച്ച് പ്രത്യേകം അലങ്കരിക്കുമെന്നും അദ്ദേഹം പറഞ്ഞു.
പത്രസമ്മേളനത്തില് എ.ഡി.ആര്.എം: മോഹന് എ. മേനോന്, സീനിയര് ഡി.സി.എം: പി.എ. ധനഞ്ജയന്, സി.എം.എസ്: ഡോ. കെ.സി. സാഹു, വി. രാജഗോപാലന് എന്നിവരും പങ്കെടുത്തു.
No comments:
Post a Comment